«Ազդակ»ն ու «Ֆրանս-Արմենի»ն առաջին քայլերը կ՛առնեն համագործակցութեան ուղիներ ճշդելու: «Ֆրանս-Արմենի»ի խմբագրակազմէն երիտասարդ քաղաքագէտ Տիգրան Եկաւեան, գրեթէ ամիսէ մը ի վեր ամէնօրեայ ներկայութիւն է «Ազդակ»ի յարկին տակ: Ան մնայուն խորհրդակցութիւններու, քննարկումներու եւ հայերէն յօդուածագրութեան վարժողական աշխատանքային հանդիպումներու արագակշռոյթ ընթացքի մէջ է մեր խմբագրակազմի անդամներուն հետ:
Տիգրան Եկաւեան այն խոստմնալից ուժն է, որ Եւրոպայի մէջ վճռակամօրէն տրամադրուած է հայ մամուլին եւ յատկապէս հայատառ մամուլին վերելքին համար անտեղիտալի աշխատանք տանելու: Լիբանանահայ մամուլի գործիչները ներկայ եղած են արդէն «Ազդակ»ի մամլոյ այն լսարանին, որուն ընթացքին Տիգրան Եկաւեան շահեկան զեկուցումով հանդէս եկաւ ֆրանսահայ մամուլի պատմականը, ներկան ու ապագայի հեռանկարները պարզելով:
Երկու թերթերուն համագործակցութեան սկզբնաւորութեան շրջագիծին մէջ կը տեղադրուի Մեծի Տանն Կիլիկիոյ Արամ Ա. կաթողիկոսին հետ Տիգրան Եկաւեանի վարած միացեալ հարցազրոյցը ամէնէն հրատապ եւ ամէնէն այժմէական հարցերուն մասին: Վեհափառ տիրոջ հարցազրոյցին հայերէն բնագիրը լոյս կը տեսնէ մեր վաղուան թիւով, իսկ ֆրանսերէն բնագիրը` «Ֆրանս-Արմենի»ի յառաջիկայ համարով:
lav nakhatsernoutyune .Fransahay yev lipananahay mamoulneroun mitchev.maghtenk vor ourish orinagner al ellan
ReplyDeleteKevork
...ayo ,payts artiok hayeren gartatsogneroun gam (khosoghneroun)tiveh aveltsav fransayi metch?tchpakhtapar votch.
ReplyDelete