Երէկ Երեւանի փողոցներուն թէ Ծիծեռնակաբերդի շրջակայքը հաւաքուած եւ այնտեղէն դէպի նախագահական նստավայր երթին մասնակցած զանգուածային երեւոյթը համոզեց, որ հայ-թուրք յարաբերութիւններու կարգաւորման նորագոյն զարգացումներուն առնչութեամբ անջրպետ գոյութիւն չունի Հայաստանի եւ Սփիւռքի միջեւ։
Դաշնակցութեան Հայաստանի կազմակերպութեան առաջնորդութեամբ հայրենական 12 կուսակցութիւններու միաւորումն ու համախմբումը՝ պահանջատիրական այս շարժումին, նկատառելիօրէն նոր զսպանակում կու տան թրքական նախապայմանային քաղաքականութիւնը մերժող համաժողովրդային պայքարին։ Հայրենիքի թէ Սփիւռքի մէջ ընդդիմադրական գաղափարական շարժումին մասնակիցներուն զարկերակները կը տրոփեն միեւնոյն կշռոյթով։ Կարգախօսներուն խորքայնութիւնը, երթին մասնակիցներուն կարգապահութիւնը, արտասանուած խօսքերուն նպատակաուղղուածութիւնը աւելի քան համոզեցին իրադրութիւններուն հետեւողը, որ Հայաստանի իշխանութիւնները գործ ունին հայրենիքի քաղաքական դաշտին մէջ նուաճուած ընդդիմադրական նոր որակի մը հետ, գաղափարականօրէն ամուր համահայկական շարժումի մը հետ։
Օրինականութեան սահմաններուն մէջ տողանցած վաթսուն հազարնոց զանգուածային երեւոյթը չէզոքացուց այսօրուան ստորագրուելիք փաստաթուղթին ունենալիք հետեւանքներուն ազդեցիկութիւնը։ Հայրենի այս համրանքը բազմապատկուելու եւ ահագնանալու բոլոր նախադրեալներն ու համոզիչ տուեալները կը պարփակէ իր նուաճած երեւոյթին մէջ ու կ'ամրագրէ, որ զիջումնային որեւէ քայլ հայկական կողմէն, թրքական նախապայմաններուն ենթարկուելու նուազագոյն տրամադրութիւն դատապարտուած է ի սպառ չէզոքացուելու որքան ալ միջազգային հովանաւորութիւն վայելէ անիկա՝ եւ որքան ալ միջազգային իրաւունքի սահմաններուն մէջ վաւերականացման ուժ ստացած ըլլայ։
Այս փաստաթուղթերու իրականացումը ճիշդ է որ միջպետական մակարդակներով կ'իրականացուի, այսուհանդերձ, ի վերջոյ կը վերաբերի ժողովուրդներուն։ Եթէ պետութիւնը գործեց իր սեփական ժողովուրդի կամքին հակառակ, համաձայնութիւնները, զիջումները կը մնան փաստաթուղթի էջերուն վրայ եթէ նոյնիսկ ստորագրուին, եթէ նոյնիսկ վաւերացուին։
Երեւանի եւ Ծիծեռնակաբերդի երեւոյթները երէկ տապալեցին նախապայմաններուն ենթարկուելու ընթացքը։ Գլխիվայր շրջեցին թրքական կանոնները, Սփիւռքը Հայաստանին եւ Հայաստանը Սփիւռքին հակադրելու քաղաքական ծրագրին բոլոր դրոյթները։ Դաշնակցութիւնն ու միաւորուած կուսակցութիւնները քանդեցին խաբէութեան այն պատը, որուն երկու կողմերը կը փորձուէր ցոյց տալ հայութեան իւրաքանչիւր հատուածը։
Միակամ է հայութիւնը այս հարցով թէ՛ Հայաստանի եւ թէ՛ Սփիւռքի մէջ։ Ճիշդ չէ ապակողմնորոշել ներկայացուածութեան եւ այս հարցին մէջ տեսակէտներու գերակշռուածութեան հանգամանքներուն իրականութիւնը։ Նման պարագաներու մարդահամարով կամ հանրաքուէով չի ճշդուիր ժողովուրդին կամքը։ Ժողովուրդը ինչպէս Սփիւռքի այնպէս ալ Հայաստանի մէջ համախումբ երթով, բողոքի գործողութիւններով եւ տակաւ ծաւալող գաղափարական շարժումով ինքզինք կը դրսեւորէ եւ իր կամքը կþարտայայտէ։ Այդպէս ալ եղաւ թէ՛ Սփիւռքի մէջ, եւ թէ՛ հայրենիքի։
Թուրքիոյ նախագահը կոչ կ'ընէր հայրենի իշխանութիւններուն՝ ձերբազատելու Սփիւռքէն։ Ի տես հայրենական զանգուածային ինքնապարտադրանքին Թուրքիոյ ղեկավարը այժմ պէտք է կոչ ընէ մեր իշխանութիւններուն՝ ձերբազատելու նաեւ հայրենի սեփական ժողովուրդէն...։
Շրջուած են թրքական խաղին կանոնները։ Տապալած է Հայաստանն ու Սփիւռքը իրար հակադրելու թրքական քաղաքականութեան ծրագիրը։ Հայաստանն ու Սփիւռքը միաւորուած են այս պահանջատիրական շարժումով։ Ընդարձակենք պայքարը, թափ տանք ու զօրակցինք անոր։ Ի տես այս նոր իրականութեան, գործընթացին սատարողները պէտք է ետ դառնան իրենց կեցուածքէն, պահանջատիրական ընդհանուր խօսքեր արտասանողները քաղաքական բնոյթ տան իրենց խօսքերուն եւ յայտարարեն տուեալ պահու պահանջը՝ դէմ ըլլալ արձանագրութիւններուն եւ նախագահին կոչ ընել՝ կասեցնելու գործընթացը իր ներկայ տեսքին մէջ։
Շարժումը երէկ Երեւանի փողոցներուն վրայ հաստատագրեց իր համահայկականութիւնը։ Փարատած են մտահոգութիւնները։ Հայաստանն ու Սփիւռքը միասին պայքարի երկար ճանապարհին վճռակամօրէն տրամադրուած են չենթարկուելու թրքական նախապայմաններուն։ Երեւանի զանգուածային մերժումը տապալեց թրքական ծրագիրը։
Այծեր եւ գայլեր
ReplyDeleteՀաւաքուեցին այծերը միասին՝ պատգամ ուղարկեցին գայլերի ազգին ու ասացին, թէ ինչու մեր մէջ լինի անհաշտ խռովութիւն՝ ոչ թէ խաղաղութիւն:
Հաւաքուեցին գայլերը՝ շատ ուրախացան, նամակով պատգամ ուղարկեցին այծերի ազգին, նաեւ անթիւ ընծաներ: Եւ գրեցին այծերին.
- «Լսեցինք ձեր բարի խորհուրդը. գոհ ենք Աստծուց, որովհետեւ մեզ համար մեծ խնդութիւն է՝ խաղաղութիւն. նաեւ իմացնում ենք ձերդ իմաստութեան, որ հովիվն ու շներն են պատճառը՝ սկիզբ մեր խռովութեան ու կռիւի: Եւ եթէ նրանց վերացնենք մէջտեղից, շուտով խաղաղութիւն կը լինի»:
Լսեցին այծերը, հաստատեցին, ասացին.
- Իրաւացի են գայլերը, որ մեզ սպանում են, որովհետեւ շները՝ հովիվը նրանց հալածում են մեզնից:
Եւ այծերը վտարեցին շներին ու հովիվին. երդուեցին, որ հարիւր տարի մնան անխախտելի սիրով: Այծերը ցրուեցին լեռներն ու դաշտերը՝ սկսեցին ուրախ լինել, ցնծալ ու խաղալ, որովհետեւ արածում էին լաւ արոտներում, ուտում էին համեղ խոտեր, խմում էին պաղ ջրեր, խնդում էին ու վազվզում, փառք տալով, որ հասան լաւ ժամանակի:
Գայլերը համբերեցին հարիւր օր, ապա հաւաքուեցին դաս-դաս, ընկան այծերի վրայ՝ կերան:
(Ժողովրդային)
...անուշ ըլլայ, հասկցողին շատ բարեւ
menk ays blogin vra aravoden minchev irigoun tourkio tem grnank khosil,payts meg pan zarmanali ge mna indzi hamar.mege grna indzi teknik badaskhan dal?te amen ankam vor ays bloge ge mdnem,inchu trkerenov krutyunner gan sgizpe?gella aysbisi pan?ge nmani hagahamashkharhaynatsoumi baykarin,our activistnere ardvene minchev irigoun hamashkharhaynatsoumin ge hayhoyen hamashkharhaynatsoumi dznount hamatsantsov...
ReplyDeletejacques hagopian
Ու՞ր թրքերէն գրութիւն կը տեսնես Յակոբ ջան, ըսէ մենք ալ մտածենք քեզի հետ միասին. այդպէս բան չի կայ էջին վրայ:
ReplyDeleteԻսկ «Այծերու և Գայլերու» պատմութիւնը, բացարիկ:
Վ.
isg ays parere inch en trkeren chen echin sgizpe?
ReplyDeleteBlog
Ara
Blogu İşaretle
Blogun İşaretini Kaldır
Paylaş
Sonraki Blog»
Blog
Oluştur |
Giriş Yapın
jacques
Շատ լաւ բարեկամ, կրնա՞մ հարցնել քեզի թէ ո՞ր երկրէն կը հետեւիս Ազդակի «պլոկ»-ին, որ կը հանդիպիս թրքերէն բառերու (հաւանաբար այդ ձեւով կրնամ օգտակար ըլլալ քեզի):
ReplyDeleteՎ.
TECHNIK PATSADROUTYUN.
ReplyDeleteYETE TOUN SOVOROUTYUN OUNIS TERKAGAN GAYKETCHER YEV BLOG-NER AYTSELELOU, BROWSERET HISHOGHOUTYAN METCH GUE BAHE YEV AYT YERGREN OU LEZVOV KELKHAKREVADZ GUE TSOUTSATRE.
GUELLA AYSBISI PAN?
POKHANAG TSER TEROUTYANTS YEV DEKIDOUTYAN (ANSHOUSHD TEKNIK)HAMAR AZTAG-E BAKHARAGELOU,
LAV GUENEYIK NAKH ESDOUKEL, YEV NUYNISG YETE TERATSOUME AZTAG-EN E, BLOGIN VERA HAVGITIN METCH MAZ PENDRELE ARATCH LAV GUELLAR AZTAG-I OUSHATROUTYAN HANTSNEL YEV SERPAKROUTYUN BAHANTCHEL.
PAYTS ADIGA, AYT PAROYAGAN ENTATSKE MAGHTS TAPELOU ARIT GUE PAKHTSENE TCHE?
Կարք մը երկիրներու մէջ, տեղական լեզուով թարգմանութիւններ ու ծանուցումներ կը տեղադրեն շարք մը կայքէջներ: Շատ հաւանական է որ թրքախօս երկրի մը մէջ blogspot.com-ը Թրքերէն գրութիւն ու կամ թարգմանութիւն դրած է, ու որովհետեւ դուն այդ երկրէն կը հետեւիս այս էջին, Թրքերէն կը տըսնես:
ReplyDeleteՈւրիշ ելք չունիս:
Սառգիս